İstehsal müəssisələri üçün ERP
İstehsal sifarişi açılanda xammal ehtiyacı hesablanır, sifariş bağlananda hazır məhsulun maya dəyəri özü formalaşır — əmək haqqı və sex xərci daxil olmaqla.
- Resept və texnoloji kart
- İstehsal sifarişi
- Sex üzrə sərf
- Zay və brak
- Məhsul maya dəyəri
İstehsalda səhv maya dəyəri bütün qiymətləri səhv edir
Hazır məhsulun maya dəyəri təxmini hesablananda səhv bir yerdə qalmır: qiymət səhv qoyulur, endirim həddi səhv müəyyən edilir, hansı məhsulun gəlir gətirdiyi bilinmir. Xammal, birbaşa əmək haqqı və sex qaimə xərci hazır məhsula düzgün paylananda isə hər partiyanın öz real dəyəri olur — və normadan kənara çıxan sex həmin ay görünür.
Bu gün necədir
BirSistem ilə
Bu gün necədir
Hazır məhsulun maya dəyəri təxmini hesablanır
BirSistem ilə
Maya dəyəri xammal, əmək haqqı və sex xərcindən avtomatik formalaşır, partiya üzrə saxlanılır
Bu gün necədir
Xammal sərfi normadan neçə faiz kənara çıxdığı ölçülmür
BirSistem ilə
Faktiki sərf normativlə tutuşdurulur, kənarlaşma sex və növbə üzrə faizlə göstərilir
Bu gün necədir
İstehsal planı ilə anbar qalığı arasında əlaqə yoxdur
BirSistem ilə
İstehsal sifarişi açılanda xammal ehtiyacı hesablanır və anbar qalığı ilə tutuşdurulur
Bu gün necədir
Zay və brak ayrıca uçota alınmır
BirSistem ilə
Zay və brak səbəbi ilə yazılır, təkrar emala gedən hissə ayrıca izlənir
Hansı funksiyalar var
Resept və planlaşdırma
İstehsal başlamazdan əvvəl nəyin çatmadığı bilinir.
- Resept və texnoloji kart
- Hər məhsul üçün tərkib, normativ sərf və əməliyyat mərhələləri. Versiyalar saxlanılır, köhnə partiyalar öz reseptinə görə hesablanır.
- İstehsal sifarişi
- Sifariş açılanda xammal ehtiyacı hesablanır, çatışmayan xammal üzrə təchizat siyahısı yaradılır.
- İstehsal planı
- Həftəlik və aylıq plan sifarişlərə və proqnoza görə qurulur, sex yüklənməsi əvvəlcədən görünür.
- Yarımfabrikat mərhələləri
- Çoxmərhələli istehsalda hər mərhələnin öz çıxımı və maya dəyəri olur, növbəti mərhələyə həmin dəyərlə keçir.
Sex, sərf və keyfiyyət
Normadan kənara çıxış sex səviyyəsində görünür.
- Sex üzrə sərf
- Faktiki xammal sərfi sənədlə yazılır və normativlə tutuşdurulur. Kənarlaşma sex və növbə üzrə göstərilir.
- Zay və brak
- Zay səbəbi ilə qeydə alınır, təkrar emala gedən hissə ayrıca izlənir və maya dəyərinə təsiri hesablanır.
- Partiya və izlənilmə
- Hazır məhsulun hansı xammal partiyasından çıxdığı saxlanılır — geri çağırış zamanı zəncir bərpa olunur.
- Avadanlıq və təmir
- Avadanlığın iş saatı, planlı baxış və dayanma vaxtı izlənir, dayanmanın səbəbi qeyd olunur.
Maya dəyəri və nəticə
Hər məhsulun real gəlirliliyi ayın içində görünür.
- Maya dəyərinin formalaşması
- Xammal, birbaşa əmək haqqı və sex qaimə xərci hazır məhsula paylanır. Paylama bazası uçot siyasətinizə görə seçilir.
- Məhsul gəlirliliyi
- Hər məhsul və partiya üzrə gəlir, maya dəyəri və marja müqayisə olunur.
- Anbar və hazır məhsul
- Xammal, yarımfabrikat və hazır məhsul anbarları ayrıca aparılır, qalıqlar real vaxtda görünür.
- Sex əmək haqqı
- İstehsal həcminə və ya saata bağlı əmək haqqı hesablanır, birbaşa maya dəyərinə düşür.
İstehsal müəssisəsi bundan nə qazanır
İstehsalda bir səhv rəqəm bir yerdə qalmır — maya dəyəri səhv olanda qiymət, endirim həddi və çeşid qərarı da səhv olur. Aşağıdakılar həmin rəqəmin dəqiqləşməsinin nəticəsidir.
Qiymət real maya dəyərinin üstündən qoyulur
Xammal, birbaşa əmək haqqı və sex qaimə xərci hazır məhsula paylandığı üçün hər partiyanın öz faktiki dəyəri olur. Təxminlə qoyulmuş qiymət isə endirim həddini də, çeşid qərarını da özü ilə birlikdə səhv edir.
İstehsal başlamazdan əvvəl nəyin çatmadığı bilinir
Sifariş açılanda resept üzrə xammal ehtiyacı hesablanır və anbar qalığı ilə tutuşdurulur. Çatışmayan hissə üzrə təchizat sifarişi əvvəlcədən yaradılır — xətt xammal gözlədiyi üçün dayanmır.
Normadan kənara çıxan sex həmin ay görünür
Faktiki sərf normativ sərflə sex səviyyəsində tutuşdurulur. Fərqin harada yarandığı — resepdə, avadanlıqda, yoxsa uçotda — ayrıla bilir.
Zay səbəbi ilə ölçülür
Brak və zay səbəb kodu ilə yazılır, maya dəyərinə təsiri hesablanır. «Normal itki» adı altında illərlə davam edən problemlər rəqəmlə üzə çıxır.
Hansı məhsulu saxlamaq lazım olduğu rəqəmlə cavablanır
Hər məhsulun gəlirliliyi ayın içində hesablanır. Ən çox istehsal olunan məhsulun ən gəlirli məhsul olmadığı tez-tez ortaya çıxır.
Partiya geriyə doğru izlənir
Hazır məhsulun hansı xammal partiyasından çıxdığı saxlanılır. Şikayət və ya geri çağırış olanda əhatə dairəsi bütün seriya yox, konkret partiya ilə məhdudlaşır.
Tez-tez verilən suallar
Çoxmərhələli istehsal dəstəklənirmi?
Bəli. Yarımfabrikat hər mərhələdə ayrıca uçota düşür və növbəti mərhələyə öz maya dəyəri ilə keçir.
Sex qaimə xərcini necə paylayırsınız?
Paylama bazası sizin uçot siyasətinizə görə seçilir: istehsal həcmi, maşın saatı və ya birbaşa əmək haqqı.
Sistemi istehsal prosesinizdə yoxlayın
Demo hesabı sizin məlumatınızla qurulur — prosesi birlikdə keçirik.