Topdan satış üçün ERP
Yüzlərlə müştəri, fərqli qiymət siyahıları və hər müştərinin öz borcu. Sistem sifarişi qəbul edəndə qalığı, qiyməti və kredit limitini eyni anda yoxlayır.
- Qiymət siyahısı
- Kredit limiti
- Marşrut satışı
- Debitor yaşlanması
- Müştəri gəlirliliyi
Topdan satışda dövriyyə yox, yığılan pul vacibdir
Topdan satışda satış həcmini artırmaq çətin deyil — çətin olan həmin satışın pula çevrilməsidir. Borcu olan müştəriyə növbəti maşın buraxılanda risk artır, endirim isə marjanı satış anında deyil, ay sonunda yeyir. Sistem sifarişi qəbul edən anda üç şeyi eyni vaxtda yoxlayır: qalıq var, qiymət qaydaya uyğun, müştərinin limiti kifayət edir.
Bu gün necədir
BirSistem ilə
Bu gün necədir
Hər müştəriyə fərqli qiymət verilir, nəzarət menecerin yaddaşındadır
BirSistem ilə
Qiymət və endirim qayda ilə hesablanır, menecer qaydadan kənara öz istəyi ilə çıxa bilmir
Bu gün necədir
Borcu olan müştəriyə yeni mal buraxılır, sonra pul yığılmır
BirSistem ilə
Limit aşılanda və ya gecikmə həddi keçiləndə yeni sifariş avtomatik təsdiqə düşür
Bu gün necədir
Satıcının marşrutu və faktiki səfərləri ölçülmür
BirSistem ilə
Marşrut planlaşdırılır, faktiki səfər və sifariş mobil tətbiqdən qeydə alınır
Bu gün necədir
Qaytarma və mal dəyişməsi uçotu sənədsiz aparılır
BirSistem ilə
Qaytarma və dəyişmə səbəbi ilə sənədləşir, müştərinin real gəlirliliyinə düşür
Hansı funksiyalar var
Qiymət, sifariş və müştəri
Sifariş qəbulu qayda ilə idarə olunur, yaddaşla yox.
- Çoxsəviyyəli qiymət siyahısı
- Müştəri qrupu, həcm və mal qrupu üzrə qiymət və endirim qaydaları bir-birinin üstünə qurulur, yekun qiyməti sistem hesablayır.
- Kredit limiti və blok
- Hər müştəriyə limit və maksimum gecikmə günü qoyulur. Limit aşılanda yeni sifariş təsdiq tələb edir.
- Marşrut satışı
- Satıcının günlük marşrutu planlaşdırılır, mobil tətbiqdən sifariş və qaytarma qeydə alınır.
- Müştəri kartı və tarixçə
- Alış tarixçəsi, ödəniş intizamı, müqavilə şərti və əlaqə qeydləri bir kartda toplanır.
Anbar və çatdırılma
Sifarişdən çatdırılmaya qədər hər addım sənədlidir.
- Rezerv və yığım
- Sifariş rezerv yaradır, yığım vərəqəsi anbarda çap olunur, yığılmış miqdar sifarişlə tutuşdurulur.
- Çatdırılma və sürücü
- Yüklənmə sənədi, marşrut və sürücü üzrə çatdırılma izlənir, təhvil qeydi mobil cihazdan alınır.
- Qaytarma və dəyişmə
- Qaytarılan mal səbəbi ilə qeydə alınır. Təchizatçıya qaytarma ayrıca sənədlə aparılır.
- Partiya və müddət
- Lazım olan mal qrupları üzrə partiya və son istifadə tarixi izlənir, erkən müddətli partiya əvvəl satışa gedir.
Borc, hesablaşma və gəlirlilik
Hansı satışın pul gətirdiyi rəqəmlə cavablanır.
- Debitor borcu və yaşlanma
- Borc müddətə görə qruplaşır, 90 günü keçən məbləğ ayrıca göstərilir, inkasso işi növbəyə düşür.
- E-qaimə və sənəd dövriyyəsi
- Satış qaiməsindən elektron qaimə-faktura formalaşır, statusu sistemdən izlənir.
- Müştəri gəlirliliyi
- Endirim, çatdırılma xərci və qaytarma nəzərə alınmaqla hər müştərinin real gəlirliliyi hesablanır.
- Satıcı üzrə plan və bonus
- Satış planı, faktiki icra və bonus düsturu sistemdə saxlanılır, ay sonunda özü hesablanır.
Topdan satış şirkəti bundan nə qazanır
Topdan satışda qərarlar sifariş qəbul edilən anda verilir — endirim, kredit, buraxılış. Aşağıdakılar həmin anın qaydaya bağlanmasının nəticəsidir.
Endirim satış anında nəzarətə düşür
Qiymət və endirim müştəri qrupu, həcm və mal qrupu üzrə qaydalarla hesablanır — menecer qaydadan kənara öz istəyi ilə çıxa bilmir. «Marja ay sonunda hardan yeyildi» sualı bağlanır.
Pul yığılmayan satışın qarşısı alınır
Hər müştəriyə kredit limiti və maksimum gecikmə günü qoyulur. Hədd keçiləndə növbəti sifariş avtomatik təsdiqə düşür — borcu böyüyən müştəriyə növbəti maşın «adət üzrə» getmir.
Kimin real pul gətirdiyi görünür
Müştəri gəlirliliyi endirim, çatdırılma xərci və qaytarma nəzərə alınmaqla hesablanır. Bu siyahı dövriyyə siyahısından tez-tez fərqlənir: ən çox alan müştəri ən gəlirli müştəri olmaya bilər.
Satıcının günü ölçülən hala düşür
Marşrut əvvəlcədən planlaşdırılır, faktiki səfər və sifariş mobil tətbiqdən qeydə alınır. Plan ilə fakt arasındakı fərq ay sonunda deyil, həmin gün görünür.
Qaytarma gizli xərc olmaqdan çıxır
Qaytarılan və dəyişdirilən mal səbəbi ilə sənədləşir və müştərinin gəlirliliyinə düşür. Hansı müştərinin, hansı malın daim qayıtdığı siyahı ilə çıxır.
Anbardan səhv mal çıxmır
Sifariş rezerv yaradır, yığım vərəqəsi anbarda çap olunur, yığılmış miqdar sifarişlə tutuşdurulur. Çatdırılmadan sonra üzə çıxan çatışmazlıq və artıq hallar azalır.
Tez-tez verilən suallar
Satıcılar üçün mobil tətbiq varmı?
Marşrut, sifariş qəbulu, müştəri borcu və qalıq mobil interfeysdən işləyir. İnternet kəsiləndə sifariş yaddaşda qalır.
Neçə qiymət siyahısı qura bilərik?
Say məhdud deyil. Qiymət qaydaları bir-birinin üstünə qurulur, sistem hər sifarişdə yekun qiyməti özü hesablayır.
Sistemi topdan satış prosesinizdə yoxlayın
Demo hesabı sizin məlumatınızla qurulur — prosesi birlikdə keçirik.